Teleaparıcı və aktyor Leonid Yakuboviç 18 ildir ki, "Поле Чудес" verilişinə eyni geyimdə çəkilib.
OLAY yazır ki, o bu barədə "RİA Novosti"yə müsahibəsində etiraf edib:
"Geyindiyim smokinqin 18 yaşı var. Bir də 8 Martda və Yeni il ərəfəsində geyindiyim ağ kostyum da var".
Teleaparıcı mətbuatda onun Moskva vilayətində 12 evi olması ilə bağlı yayılan xəbərləri də lağa qoyub. Yakuboviç əmin edib ki, onun yalnız bir malikanəsi var. Həmçinin teleaparıcının sözlərinə görə, onun şəxsi iki helikopteri və bir təyyarəsi yoxdur:
"Harda dayandıqlarını bilmirəm, onları gözümdə görməmişəm. Mən Minskə gedirəm, orada uçuş klubu olan Nikolay Moçanskinin "Mi-2"si ilə uçuram. Əvvəllər, mətbuatda yayılan məlumatlara görə, mənim Moskva vilayətində 12 evim var idi, indi nədənsə dördünü yazırlar, yəqin ki, bir hissəsini satmışam".