Суббота
янв 12

Cinsi həyatın sağlamlığa 7 MÜSBƏT TƏSİRİ

Cinsi həyatın sağlamlığa 7 MÜSBƏT TƏSİRİ



Cinsi həyatın sağlamlığa 7 MÜSBƏT TƏSİRİ

Cinsi həyatın normal olması insanın ümumi sağlamlığında böyük rol oynayır.

Müxtəlif ölkələrdə aparılmış araşdırmalar göstərir ki, müntəzəm cinsi həyat (həftədə 1-2 cinsi akt) insan sağlamlığına müsbət təsir edir və hətta bəzi xəstəliklərin inkişafından qoruyur.

Saglamolun.az müntəzəm cinsi həyatın insan sağlamlığına olan təsirini sizə təqdim edir:

1. Stressi azaldır.

Şotlandiya alimləri araşdırmalar zamanı aşkar ediblər ki, seks orqanizmdə stressin səviyyəsini azaldır. Araşdırmanın nəticələri "Bioloji psixologiya" jurnalında dərc olunub.

2. İmmun sistemini möhkəmləndirir.

Analizlər göstərib ki, həftədə 1-2 cinsi aktı olan insanlarda immun hüceyrələrinin səviyyəsi daha yüksəkdir.

3. Ürək-damar sisteminin vəziyyətini yaxşılaşdırır.

Cinsi əlaqə zamanı qan dövranı yaxşılaşır ki, bu da ürək-damar sisteminə müsbət təsir edir və hətta ürək tutmalarının riskini azaldır.

4. Ağrıları azaldır.

Cinsi əlaqə zamanı orqanizmdə "xoşbəxtlik hormonları" adlandırılan endorfinlərin səviyyəsi qalxır ki, bu da ağrıların azalmasına kömək edir.

5. Prostat vəzi xərçənginin riski azaldır.

Avstraliya alimləri aşkar ediblər ki, normal cinsi həyat, xüsusilə cavanlıqda, kişilərdə prostat vəzi xərçənginin riskini 1/3 azaldır.

6. Qadınlarda sidik qaçırma probleminin profilaktikasıdır.

Cinsi əlaqə zamanı çanaq dibi əzələləri möhkəmlənir ki, bu da gələcəkdə bu əzələlərin zəifləməsi ilə bağlı olan sidik qaçırma kimi yayılmış probleminin riskini azaldır.

7. Yuxunu yaxşılaşdırır.

Cinsi əlaqə zamanı ifraz olunan oksitosin hormonu yuxunun yaxşılaşmasına kömək edir.

Комментарии (0)

Оставить комментарий