"İftar menyusu"nu təqdim edirik:

"Əlvan dana" şorbası

Ərzaq:

Mərci - 1 stəkan

Dana əti - 300 qram

Su - 5 stəkan

Kartof - 2 ədəd

Soğan - 2 ədəd

Kök - 2 ədəd

Dəfnə yarpağı - 1 ədəd

Nanə qurusu - 1 ç.q

Un - 1 x.q

Duru yağ - 1 stəkan

Yarım limonun suyu

Duz, qara və qırmızı istiot zövqə görə

Hazırlanması:

Kartofu, soğanı, kökü (hərəsindən bir ədəd), əti, dəfnə yarpağını, mərcini suya töküb, qaynadın. Bir müddət qaynatdıqdan sonra süzgəcdən keçirib, yenidən qaynadın.

Sonra o biri soğanı xırda doğrayıb, kökü sürtgəcdən keçirin. Yağı tavada isidib, soğan və kökü qovurun. Nanə və unu əlavə edib, qarışdırın. Hazırladığınız qarışığı qaynayan ətin üzərinə əlavə edin. 15 dəqiqə qaynatdıqdan sonra, yenidən süzgəcdən keçirib, duz, qırmızı və qara istiot əlavə edib, təkrar qaynamağa qoyun. 10 dəqiqə qaynadıqdan sonra isti halda süfrəyə verin.

Lahmacun

Ərzaq:

Xəmir üçün:

Un - istəyə görə

Duz, su və maya

İç üçün:

Qiymə - yarım kq.

Pomidor - 3 ədəd

Acı bibər - 3 ədəd

Soğan - 4 ədəd

Pomidor tomatı - 1 x/q.

Bibər tomatı - 1 x/q.

Duru yağ - 3-4 x/q.

Duz, qara və qırmızı istiot zövqə görə

Keşniş - 1 dəstə

Hazırlanması:

Xəmir yoğrulub "gəlməyə" qoyulur.

Bütün ərzaqları blenderdən keçirib, ətə əlavə edib, tomat, düz və istiotu töküb çoxlu qarışdırın. Hazır olan xəmirdən balaca kündələr düzəldin. Çox nazik olmamaq şərtilə yayıb, üzərinə duru yağ çəkin. Sonra ətli qarışıqdan əlavə edib, sobada bişirin. Süfrəyə verərkən yanına limon və cəfəri qoyun.

Çiyələk piroqu

Ərzaq:

Yumurta - 2 ədəd

Şəkər tozu - 1 stəkan

Yağ - 250 qram

Un - 2,5 stəkan

Çay sodası - 1 çay qaşığı

Sirkə - 1 xörək qaşığı

İç üçün:

Çiyələk - 500 qram

Şəkər tozu - 0,5 stəkan

Hazırlanması:

Unu və yumşaldılmış yağı yuxayayanın üstünə töküb, bıçaqla döyün. Un yağa tamamilə qarışdıqdan sonra ortasından oyuq açın. Yumurtanı, şəkər tozunu, sirkə ilə qarışdırılmış sodanı əlavə edib, yenə də bıçaqla onları qarışdırın. Xəmir halına gəldikdən sonra iki yerə ayırın. Yağlanmış listə kündələrdən birini əlinizlə yayın. Üstünə doğranmış çiyələkləri düzüb, şəkər tozu səpin. İkinci kündəni kənarda yayıb, üstünə qoyun. Qıraqlarını bərk birləşdirin ki, çiyələklərin suyu kənara çıxmasın. Süfrəyə soyuq halda verin. /Axşam.az