ABŞ-dan İrana etiraz: "İnterneti söndürməyin"

ABŞ İranın ölkədəki etirazlarla əlaqədar interneti kəsmə cəhdlərini qınayır.

Bunu ABŞ Dövlət Departamentinin rəsmi nümayəndəsi Morqan Ortaqus deyib.

“ABŞ İran xalqını, onun hakimiyyətdə olan korrupsioner rejimə qarşı son ədalətsiz addımına qarşı etirazını dəstəkləyir. Biz internetin söndürülməsi cəhdlərini qınayırıq”, – deyə o bildirib.

Qeyd edək ki, bundan öncə “Netblocks” təşkilatı İranda internetin tam olaraq söndürülməsi barədə məlumat yayıb. (Axar.az)