Bərdədə intihar edən qonşu gənclər öldü: "Tural yaralı olsa da..."

Xəbər verdiyimiz kimi yerli mətbuatda dünən axşam saatlarında Bərdənin Qasımbəyli kəndin sakinlərin intihar etməsi ilə bağlı xəbər yayılıb. Belə ki, kənd sakini, 1990-cı il təvəllüdlü İlyasov Tural Xəqani oğlu özünü bıçaqlayıb. Bərdə rayon Mərkəzi Xəstəxanasına çatdırılan gəncin həyatını xilas etmək mümkün olmayıb. Bundan əlavə eyni vaxtda həmin kənddə yaşayan 2000-ci il təvəllüdlü Əliyeva Bahar Əhliman qız isə özünü asıb. İntihar edən şəxslərin Qasımbəyli kəndində qapıbir qonşu olduğu bildirilir.

MAY.AZ hadisə ilə bağlı Bərdə rayon Mərkəzi Xəstəxanası ilə də əlaqə saxlayıb.

Xəstəxanadan verilən məlumata görə Birinci Qaradəmirçi kənd sakini Tural İlyasov xəstəxanaya yaralı şəkildə gətirilib: "29 yaşlı gənc dərhal əməliyyata qaldırılsa da onun həyatını xilas etmək mümükün olmayıb. Digər intihar edən gənc Bahar Əliyeva ilə xəstəxanaya gətirilən zaman isə ölmüşdü".