Çində 75 yaşlı Cian adlı kişi süni intellektə aşiq olub.
Ölkə.az "Beijing Daily"ə istinadla xəbər verir ki, o, telefonuna saatlarla baxaraq süni intellektdən mesaj gözləyirmiş. Həmin mesajlarda süni intellekt ona "qardaş" deyə müraciət edir və dəstəyinə görə tərifləyirmiş.

Həyat yoldaşı onun qəribə davranışlarını görəndə bu vəziyyətə etiraz edib. Lakin Cian həyat yoldaşına açıqlama verərək boşanmaq və bütün diqqətini virtual sevgilisinə həsr etmək istədiyini deyib. Vəziyyətə övladları müdaxilə edərək atalarını reallığa qaytarmağa çalışıblar və izah ediblər ki, süni intellekt real həyatda mövcud deyil. Nəticədə o, özünə gələrək reallığı dərk edib.