İtlərin sizi sevdiyini necə anlamaq olar?

İtlərin bizi sevdiyini anlamaq heç də etmək çətin deyil. Bəs alimlər bu mövzuda nə deyirlər?

MAY.AZ ferra.ru-ya istinadən xəbər verir ki, itlər bizim emosional vəziyyətlərimizə, məsələn, ağlamamıza qarşı həssasdır.

Bu, sevginin bir əlaməti kimi görünə bilər. Lakin mütəxəssislər hələ də dəqiq bilmirlər ki, itlər bizi təsəlli etməyə çalışır, yoxsa yalnız çıxardığımız səslərə və ya ifraz etdiyimiz hormonlara reaksiya verirlər.

Digər tərəfdən, bizim sevgi kimi qəbul etdiyimiz davranışlar sadəcə bağlılıq ifadəsi ola bilər. Məsələn, itlərin sahiblərini "öpüşlə" qarşılaması.

İtlərin sahiblərinə sevgisi ilə bağlı araşdırmalar ürək döyüntüləri, hormonlar və beyin fəaliyyətini müşahidə etməklə həyata keçirilir.

Məsələn, insan-it cütlükləri üzərində aparılan bir araşdırma göstərib ki, birlikdə olduqdan sonra onların ürək ritmi bir-birinə uyğunlaşır.

Alimlər həmçinin müəyyən ediblər ki, oksitosin hormonu itlə insan arasındakı əlaqədə mühüm rol oynayır. İt və sahibi bir-birinə baxdıqda, hər ikisinin oksitosin səviyyəsi artır. Əlaqə nə qədər güclüdürsə, bu təsir bir o qədər qabarıq olur.

Bundan başqa, bəzi itlərin beyninin funksional MRT (fMRT) görüntüləri göstərib ki, onlar həm sevdikləri qidaları (məsələn, hot-doq), həm də sahiblərinin səsini eşitdikdə aktivləşirlər.