HƏMAS Qəzzada atəşkəsi müzakirə etməyə hazırdır

HƏMAS ötən axşam İsraillə "Hizbullah" arasında atəşkəs razılaşmasının təsdiqlənməsindən sonra Qəzzada atəşkəsə hazır olduğunu bildirib.

Oxu.Az xəbər verir ki, AFP (Agence France-Presse) bu barədə HƏMAS hərəkatındakı mənbəyə istinadən məlumat yayıb.

"HƏMAS atəşkəs razılaşmasına və əsirlərin mübadiləsinə dair razılaşmaya hazırdır", - deyə qruplaşmanın nümayəndəsi bildirib.

Xatırladaq ki, İsrailin Nazirlər Kabineti Livanla atəşkəs razılaşmasını təsdiqləyib.

Məlumata görə, atəşkəs noyabrın 27-də Bakı vaxtı ilə saat 06:00-da qüvvəyə minib.