Poveglia adası İtaliyanın ən sirli və tükürpədən yerlərindən biridir.

BAKU.WS xarici mətbuata istinadən xəbər verir ki, bura, ictimai ziyarətlərə açıq deyil və onu şəxsən görmək üçün xüsusi icazə almaq lazımdır.

Ada əvvəllər 7-ci əsrdə məskunlaşma və yaşamaq üçün sakit bir yer olub. 1378-ci ildən 1381-ci ilə qədər davam edən Chioggia müharibəsi zamanı hər şey dəyişib. Nəticədə, Poveglia tərk edilib.

1776-cı ildə ada yerli Xalq Sağlamlığı İdarəsinin nəzarətinə keçib və gömrük nəzarəti üçün istifadə edilib. Vəba zamanı bu yerdə karantin təşkil edilib və 20-ci əsrdə Poveglia-da psixiatriya xəstəxanası yerləşirib.

Adanın ən dəhşətli tarixi odur ki, vəba zamanı orada xəstələrin cəsədləri yandırılırdı. Mütəxəssislərin hesablamalarına görə, burada 100 minə yaxın cəsəd yandırılıb. Bundan əlavə, ölülərin "taun çuxurlarına" atıldığı barədə şayiələr var.

Nəşr qeyd edib ki, bizim dövrümüzdə ada tamamilə tərk edilib. Burada məskunlaşdığı vaxtdan çox az şey qalıb, lakin qədim sakinlərin bəzi izləri hələ də görünür.

Poveglia üç kiçik adadan ibarətdir, bunlardan ikisi təbii yolla əmələ gəlmiş, üçüncüsü isə taxta dirəklərdən və bir neçə torpaq qatından istifadə edildiyinə görə Venesiyaya bənzəyir.

Adalardan biri tamamilə bitki örtüyü ilə örtülmüşdür, digərində isə əsas tikililər var. Onlardan ən kiçiyi səkkizbucaqlıdır ki, müdafiə üçün kiçik qala kimi istifadə olunurdu.

Qaranlıq turizmin pərəstişkarları adada hələ də xəstəxana, psixiatriya şöbəsi və bir neçə həbsxananın olması faktını yüksək qiymətləndiriblər. Ancaq adaya getmək o qədər də asan deyil.

Povegliaya səfər etmək üçün xüsusi icazə almalısınız. Bu, çox vaxt çəkiliş qruplarına, alimlərə və ya fotoqraflara verilir.