QAZ ov və kempinq üçün yolsuzluq avtomobili buraxıb - Foto

Rusiyanın Qorki Avtomobil Zavodu (QAZ) ov və kempinq üçün yeni "Soboli NN" yolsuzluq avtomobilini nümayiş etdirib.

Oxu.Az Motor.ru-ya istinadən xəbər verir ki, tünd-yaşıl rəngdə olan yolsuzluq avtomobili ilk növbədə arxa hissəsinin genişliyi ilə seçilir.

Avtomobilin arxa hissəsindəki üçnəfərlik oturacaqdan çarpayı düzəltmək mümkündür, həmçinin, nəqliyyat vasitəsi mətbəxlə də təmin edilib.

Hələlik avtomobilin qiyməti haqqında məlumat verilməyib.