AZ
RU
EN
Ötən gecə keçirilən "Klub Brügge" - "Borussiya Dortmund" görüşündə oyuna sonradan daxil olaraq iki qol vuran Ceymi Qittens adını UEFA Çempionlar Liqasının tarixinə yazdırıb.
Oxu.Az Beynəlxalq Futbol Tarixi və Statistikaları Federasiyasının (IFFHS) rəsmi saytına istinadən xəbər verir ki, gənc futbolçu UEFA Çempionlar Liqasının görüşündə ehtiyat oyunçular skamyasından qarşılaşmaya daxil olaraq iki qol vuran ikinci ən gənc futbolçu adına yiyələnib.
Qeyd edək ki, 20 yaşlı sol cinah hücumçusu Ceymi Qittens 2020-ci ildə "Mançester Siti" klubunun akademiyasını tərk edərək "Borussiya Dortmund"un U19 komandasına qatılıb.
