Binədə "Toyota" yandırılıb, saxlanılan var

İyunun 16-da gecə saatlarında Binə qəsəbəsi ərazisində "Toyota" markalı avtomobilin yanması ilə bağlı Suraxanı Rayon Polis İdarəsinin 30-cu Polis Şöbəsində aparılan araşdırmalarla avtomobilin qəsdən yandırılmasına əsaslı şübhələr müəyyən edilib.

Oxu.Az xəbər verir ki, bu barədə Daxili İşlər Nazirliyinin Mətbuat Xidməti məlumat yayıb.

Bildirilib ki, polis əməkdaşlarının keçirdikləri tədbirlərlə bu əməli törətməkdə şübhəli bilinən Rəşad Nəzərov müəyyən olunaraq saxlanılıb.

Faktla bağlı araşdırma aparılır.