DİQQƏT! Bu şəxslərin xərçəngə tutulma riski daha çoxdur

Son araşdırmalar göstərib ki, 1990-cı illərdə doğulmuş insanlar əvvəlki nəsillərə nisbətən 50 yaşından əvvəl xərçəngə daha çox meyllidirlər.


Lent.az xarici mətbuata istinadən xəbər verir ki, həkimlər 30 yaşına çatmamış pis vərdişlərdən imtina etməyi şiddətlə tövsiyə edirlər, çünki erkən yaşda həyat tərzi seçimləri xərçəngin inkişaf ehtimalına əhəmiyyətli dərəcədə təsir göstərir.


Siqaret ağciyər xərçənginin əsas səbəbi olmaqla yanaşı, ağız və boğaz xərçəngi də daxil olmaqla, xərçəngin 14 başqa forması ilə də əlaqələndirilir. Bu pis vərdişdən imtina bir çox xərçəng növlərinin inkişaf riskini əhəmiyyətli dərəcədə azalda bilər.


Orta dərəcədə spirt istehlakı da diqqət tələb edir, çünki qaraciyər, süd vəzi və yemək borusu kimi müxtəlif xərçəng növlərinin riskini artırır.


Optimal çəki də xərçəngin qarşısının alınmasında əsas rol oynayır və artıq çəki 13 müxtəlif növ xərçəngə tutulma riskinizi artıra bilər.