TOGG sabah İlham Əliyevə təqdim ediləcək

Türkiyənin yerli və milli avtomobili TOGG sabah Prezident İlham Əliyevə təqdim ediləcək.

Yenicag.az Türkiyə mediasına istinadən xəbər verir ki, TOGG-u alan ikinci şəxs Azərbaycan Prezidenti olacaq.
Məlumatda qeyd olunub ki, avtomobil İlham Əliyevə sabah Bakıda keçiriləcək mərasimdə təqdim ediləcək.
Avtomobilin açarlarını Türkiyənin sənaye və texnologiya naziri Mustafa Varank ölkə başçısına verəcək.
Qeyd edək ki, TOGG-u ilk alan şəxs Türkiyə Prezidenti Rəcəb Tayyib Ərdoğan olub.