18 yaşlı gənc enerji içkisi içib alışqan qazı çəkdi, öldü - FOTOLAR

Hatayda dostları ilə əylənən 18 yaşlı Kəmal.D alışqan qazı çəkdiyinə görə ölüb.

MAY.AZ xarici mətbuatına istinadən xəbər verir ki, Hatay Narkotiklə Mübarizə Dərnəyinin rəhbəri Saldıran açıqlamasında alışqan qazı çəkənlərin getdikcə artdığını bildirib:

“18 yaşından aşağı olanlara alışqanın satılması qadağandır. Satıcılar buna diqqət etməlidir. 18 yaşdan aşağı olanlara alışqan satanlar baş verənlərə görə həm qanunən, həm də vicdanla məsuliyyət daşıyır. Alışqan qazı çəkənlərdə ürək bulanma, ürəyində ritm pozğunluqları yarana bilər. Hətta ağciyərə və beyninə oksigen getmədiyinə görə ölə bilərlər”.

İddialara görə, Kəmal.D dostları ilə əylənən zaman enerji içkisi içib. Enerji içkisinin üzərindən də alışqan qazı çəkib. Bir müddətdən sonra huşunu itirən Kəmala ilk yardımı elə dostları edib. Gəncin özünə gəlmədiyini görən dostları təcili tibbi yardıma xəbər veriblər.

İsgəndərun bölgəsində özəl xəstəxanaya yerləşdirilən Kəmal bir müddət reanimasiyada ölüm-dirim mübarizəsi aparıb. 1 həftəlik mübarizədən sonra Kəmal.D-nın həyatını xilas etmək mümkün olmayıb.

Aysel Yusifqızı