Otağı kondisioner olmadan necə soyudaq? - Maraqlı ÜSUL

Yayın istisində kondisionersiz də otağınızı soyuda bilərsiniz.
BiG.AZ "RİA Novosti"yə istinadən xəbər veri ki, bununla bağlı Rusiyanın ilkin tibbi-sanitar yardım üzrə mütəxəssisi Andrey Tyajelnikov məsləhətlərini verib.
Onun sözlərinə görə, kondisioneriniz yoxdursa, sərinkeşi yandıra bilərsiniz. O da yoxdursa, qapı-pəncərələri açıb otağınızı havalandırın.
"Pəncərənin qırağına buzlu soyuq suyla dolu ləyən qoyub, su qızdıqca dəyişmək də olar", - deyə mütəxəssis maraqlı tövsiyəsini verib.
O, həmçinin, ofislərdə, isti otaqda işləyən insanlara mütəmadi olaraq sərin su içməyi məsləhət görüb.
Tyajelnikov vurğulayıb ki, isti havada yüngül və geniş paltar geyinmək, vaxtaşırı üzü soyuq su ilə yumaq məsləhətdir.
Natəvan Baxşiyeva