"Oskar" mükafatı laureatı, dünya şöhrətli aktyor Leonardo DiKaprio Amazoniyanın biomüxtəlifliyinin qorunması üzrə fövqəladə fondun yaradılması barədə məlumat yayıb.

MAY.AZ open.az-a istinadən xəbər verir ki, məşhur aktyor fonda Amazon meşələrinin müdafiəsi üçün 5 milyon dollar yatırıb.

DiKaprio iyul ayında iqlim dəyişiklikləri ilə mübarizə aparmaq üçün "Alyans Yer" qeyri-kommersiya təşkilatı yaradıb. Ona bu işdə Loren Pauell-Cobs və milyarder Brayan Şet köməklik göstərib.

Qeyd edək ki, avqustun 15-dən Amazon meşələri yanır. Yanğın 1,3 min kvadrat kilometr meşəni məhv edib.