"Yeni avtomobil sürülüb, yoxlama dövründə xüsusi qayğı tələb edir ki, bütün mexanizmlər ahəngdar işləsin və uzun müddət xidmət göstərsin".

Oxu.Az Gazeta.ru-ya istinadla xəbər verir ki, bunu avtomobil mütəxəssisi Roman Timaşov deyib.

Onun sözlərinə görə, avtomobili beş min kilometrə qədər ehtiyatlı rejimdə sürmək lazımdır:

"Bundan başqa, avtomobili birdən işə salmaq məsləhət görülmür. Kəskin manevrlərdən və tormozlamadan qacınmaq lazımdır. Həmçinin mühərrik boş-boşuna işlədilməməlidir. Eyni zamanda yeni avtomobili həddindən artıq yükləməyin, çünki bu, mühərrikin yüklənməsini artırır. Bundan əlavə, mühərrik və transmissiya hissələrinin aşınmasının qarşısını almaq üçün yağ və digər texniki mayelərin vaxtında dəyişdirilməsi vacibdir".