Çörəyi hansı qidalarla əvəzləmək olar?

Ötən gündən etibarən un və un məmulatlarının qiymətində müşahidə olunan bahalaşma çörəkdən də yan keçməyib. Xüsusən pəhriz saxlayan şəxslər də artıq çəkiyə səbəb olan bu qidanı nə ilə əvəzləyə biləcəklərini düşünürlər. Bəs çörək, şirniyyat, düyü və makaron kimi karbohidratları istehlak etmədən həmin qidaların tərkibindəki zülalları yemək zamanı necə təmin etmək olar?
Axşam.az un məmulatlarının tərkibindəki zülalı, yağı, enerjini hansı qidalardan təmin edə biləcəyinizi təqdim edir.
Çörək istehlak etməyə üstünlük vermədiyiniz zaman onun yerinə 1 qab şorba, 2 xörək qaşığı bulqur plovu, 3 xörək qaşığı yulaf əzməsi, 1/2 çay qaşığı qovrulmuş noxud, 1 orta boy kartof, yarım orta boy qarğıdalı və ya 2 şabalıd yeyə bilərsiniz.
Yumurta, noxudlu bitkilər, balıq, ət, pendir də çörəyi əvəz edə biləcəyiniz qidalar sırasında yer alır.
Səhər yeməyində zeytun, fındıq, badam yemək, yulaf əzməsinə banan, yaşıl alma və ya şaftalı əlavə etməklə istehlak etmək də sizi həm tox tutacaq, həm də bədənin lazım olan vitamin ehtiyacını ödəyəcək.