İran Prezidenti Məsud Pezeşkian İlam vilayətinə səfəri zamanı ABŞ-la nüvə danışıqları və Tehrana yönələn hücum təhdidləri ilə bağlı mühüm açıqlamalar verib.

BiG.AZ xarici mediaya istinadən xəbər verir ki, Pezeşkian çıxışı zamanı bildirib:
"Biz danışıqlar aparacağıq, lakin heç vaxt tiranlığa boyun əyməyəcəyik. Bizə ‘nüvə mövzularında araşdırma aparmağa haqqınız yoxdur’ deyilməməlidir. Nüvə sahəsində hüquqi və elmi hüquqlarımız qorunduğu müddətcə irəliləyiş mümkündür."

Prezident həmçinin İran daxilində birliyin vacibliyini vurğulayıb:
"Əgər biz fikir ayrılıqlarımızı bir kənara qoyub birləşsək, düşmənlər bu torpaqlara göz dikə bilməz. Onların məqsədi aramızda nifaq salmaq və yaranan xaosdan istifadə edərək bizə hücum etməkdir".