"Türkiyə Suriyada demokratik sivil hökumətin qurulmasını istəyir".

Oxu.Az xəbər verir ki, bunu Türkiyənin xarici işlər naziri Hakan Fidan "Al-Arabiya" telekanalına müsahibəsində deyib.

Onun sözlərinə görə, rəsmi Ankara Suriyadakı yeni hakimiyyətə kömək edəcək.

"Suriyada yeni hökumətin Bəşər Əsədin hərəkətlərini təkrarlamasını istəmirik. Türkiyə Suriyada İranı əvəz etmək fikrində deyil. Tehranın yeni vəziyyətdən xəbərdar olduğunu nəzərə alsaq, Suriyanın mübahisələr meydanına çevriləcəyini düşünmürəm", - Fidan bildirib.

Nazir əlavə edib ki, Türkiyə ABŞ və Suriyanın yeni hökumətləri arasında vasitəçi rolunu oynamağa hazırdır. Bundan əlavə, Fidan vurğulayıb ki, Ankara Suriyadakı vəziyyətlə bağlı Səudiyyə Ərəbistanı ilə ən yüksək səviyyədə addımları koordinasiya edir.