ISU Tbilisi Dövlət Universitetinin alimləri Kolxida qədim dilinin ilk nümunəsini tapdıqlarını ehtimal edirlər.

Oxu.Az bu barədə "RIA Novosti"yə istinadən xəbər verir.

Məlumata görə, qədim dilin ehtimal olunan nümunəsi Başplemi gölündə tapılmış lövhədə aşkar edilib. Mütəxəssislər müəyyən ediblər ki, lövhə əvvəllər güman edildiyi kimi gildən deyil, bazaltdan ibarətdir. Lövhədə təxminən 60 mətn simvolu var və onlar hələ də deşifrə edilməyib.

Alimlər lövhədə məşhur əfsanədəki qızıl yunun sirri haqqında məlumatların şifrələnmiş ola biləcəyini istisna etmirlər. Bu artefaktın tarixi ilə bağlı hələ də çətinliklər var.

Kolxida krallığında qızılın olması barədə bu gün də danışmağa davam edirlər. Bunu Batumidə yol işləri zamanı artefaktların - ümumilikdə 13 relikviyanın tapılması sübut edir.