Böyrəkləri sıradan çıxaran vərdişlər haqqında BİLMƏDİKLƏRİNİZ: Gündə 8 stəkan su içirsinizsə...

Hansı xətalar böyrəklərə zərər verir? Hansı vərdişlərimiz böyrəkləri sıradan çıxarır?

Publika.az-ın sağlamlıq bölməsi bu yazıda oxucuları böyrəklərin sağlamlığına zərər verən amillərlə tanış edir.

Dehidrasiya (bədənin həddən artıq su itirməsi)

Bu zaman böyrək funksiyasını dayandırır. Yadda saxlayın ki, böyrəklər normal fəalliyyəti üçün suya ehtiyac duyur. Odur ki, gündə, təxminən, 8 stəkan su içmək lazımdır.

Bədənin suya ehtiyacı olub-olmadığını anlamaq üçün sidiyin rənginə baxmalısınız. Sağlam sidik rəngi açıq sarıdır. Tündləşən sidik rəngi isə bir çox xəstəliklərin əlaməti ola bilər. Sidik tünd sarıdırsa, demək, lazımi qədər maye qəbul etmirisiniz.

Siqaret

Siqaret çəkilməsi nəticəsində qan damarlarının daralması və sərtləşməsi böyrəklər də daxil olmaqla bütün bədən orqanlarının qan dövranına mənfi təsir edir.

Həddən artıq spirtli içki qəbulu qandakı urik turşu səviyyəsini artırır. Böyrəklərdə boruların zəifləməsinə və daş əmələ gəlməsinə səbəb olur.

Dərmanlar

Xüsusilə, ağrıkəsici böyrəklərə zərər verə biləcək fəsadlara yol aça bilər. Digər tərəfdən, qan təzyiqi və şəkər müalicəsində yazılan bəzi dərmanlar düzgün dozada və doğru şəkildə istifadə edilməlidir. Əks halda, bu, böyrək çatışmazlığına səbəb ola bilər.

B6 vitamini çatışmazlığı

Merilend Universitetində aparılan araşdırmada məlum olub ki, B6 vitamini çatışmazlığı böyrək daşı riskini artırır. Bu vitamin günəbaxan tumu, püstə, noxud, balıq və nişastalı tərəvəzlərdə olur.