Valideynlik daim seçim etmək deməkdir. Həmin seçimlərdən biri də bir yaşdan sonra uşağa hansı südü vermək və badam südünün inək südünə faydalı alternativ olub-olmaması məsələsidir.

Lent.az bu südlə bağlı maraqlı məlumatları təqdim edir:

Bir yaşa qədər alternativ içkilərdən heç biri nə inək südü, nə də bitki mənşəli süd ana südünün və ya qarışığın əvəzi deyil. 12 aya qədər körpəyə yalnız ana südündə və ya adaptasiya olunmuş qarışıqda olan qida maddələri lazımdır: zülallar, yağlar, kalsium, dəmir, A, D, E, B12 vitaminləri və beynin inkişafı üçün vacib fermentlər. 1 yaşdan sonra digər süd növlərini az miqdarda əlavə etmək olar, amma onlar əsas qidalanmanın deyil, əlavə içkinin rolunu oynamalıdır.

Bir yaşdan sonra süd lazımdırmı?
Süd uşaqlıqdan bəri vərdiş olduğuna görə deyil, həm də protein, kalsium, D vitamini və yağ mənbəyi kimi vacibdir. Lakin normanı bilmək önəmlidir:

Uşaqlar üçün norma: gündə 400–700 ml (2–3 kiçik porsiya).
Həddindən artıq süd qəbulu dəmir səviyyəsini azalda və anemiyaya səbəb ola bilər. Əgər siz hələ də ana südü ilə qidalandırmaya davam edirsinizsə, əlavə süd verməyə ehtiyac olmaya bilər balanslı qidalanma fonunda ana südü zülal və kalsium ehtiyacını tam qarşılayır.

Badam südü və inək südü
Badam südü tez-tez inək südü zülalına allergiya səbəbi ilə və ya məhsulun keyfiyyətinə görə seçilir (hormonlar, antibiotiklər, yağlılıq).
Badam südündə var:
A, D və E vitaminləri
Əgər zənginləşdirilibsə - kalsium
İnək südündən daha az kalori
Aşağı protein tərkibi
İnək və ya ana südü ilə müqayisədə badam südündə protein çox azdır (təxminən 1 qram, adi südün 8 qramına qarşı). Buna görə də proteini başqa məhsullarla kompensasiya etmək vacibdir: yumurta, balıq, ət və ya paxlalılar. Uşağın laktozasız qidalanmaya ehtiyacı varsa, kalsiumla zənginləşdirilmiş və şəkərsiz badam südü rasiona yaxşı əlavə ola bilər.

Badam südü və ana südü

Heç bir bitki və ya heyvan mənşəli süd ana südünün yerini verə bilməz. Ana südü:
immuniteti gücləndirən anticisimlər ehtiva edir
vitamin-mineral tərkibi uşağın ehtiyacına uyğun dəyişir
asan həzm üçün fermentlər saxlayır
6 aya qədər uşaq yalnız ana südü və ya qarışıq almalıdır. 6 aydan sonra bərk qidalara keçid başlayır, lakin alternativ südü vermək üçün ən yaxşı vaxt bir yaşdan sonradır.

Bir yaşdan sonra badam südünün üstünlükləri
Asan həzm olunur laktoza yoxdur, laktoza dözümsüzlüyü olanlara uyğundur. Aşağı kalorilidir susuzluğu yaxşı yatırır və artıq çəkiyə meyilli uşaqlar üçün uyğundur. Kalsiumla zənginləşdirilmiş variantlar sümükləri gücləndirməyə kömək edir. Yumşaq qoz dadı uşaqlar tərəfindən xoş qarşılanır və sıyıq və smuzilərə yaxşı qarışır
Amma unutmayın: badam südü əlavə məhsuldur, əsas qida mənbəyi deyil.

Badam südü nə zaman uyğun deyil
12 aydan kiçik uşaqlara (əsas qida kimi)
Qoz allergiyası olan uşaqlara
Tərkibində şəkər və dadlandırıcı olan məhsullara üstünlük verildikdə
Uşağın rasionu onsuz da zülal baxımından məhdud olduqda
Badam südü bir yaşdan sonra, xüsusilə inək südü zülalına allergiya və ya laktoza dözümsüzlüyü olanda faydalı alternativ ola bilər. Lakin o, ana südünü və ya inək südünü tamamilə əvəz edə bilməz, çünki protein və təbii kalsium baxımından daha zəifdir. Kalsiumla zənginləşdirilmiş, şəkərsiz məhsulları seçin və uşağın rasionunu zülal və dəmirlə zəngin qidalarla tamamlayın.