"Kölnün atası" və ya "Cəhənnəm Necati" kimi tanınan cinayət təşkilatının liderlərindən biri Necati Coşkun Arabacı İzmirin Adnan Menderes hava limanında saxlanılıb.

Lent.az-ın xarici mediaya istinadla xəbərinə görə, "Cəhənnəm mələkləri" adlı cinayət təşkilatının lideri olduğu iddia edilən Necati Coşkun Arabacının səhər saatlarında İzmir Menderes hava limanında saxlanıldığı məlum olub.

İnterpol tərəfindən də cinayət təşkilatı sayılan "Cəhənnəm Mələkləri" üzvlərinin çirkli pulların yuyulması, qəsbkarlıq, narkotik və silah qaçaqmalçılığı kimi bir çox qeyri-qanuni fəaliyyətlə məşğul olduqları müəyyən edilib.