Xamenei: "Yaxın Şərqdəki münaqişələr ABŞ regiondan çıxdıqdan sonra bitəcək"

Yaxın Şərqdəki hərbi münaqişələr Amerika Birləşmiş Ştatları və Avropa ölkələri regionu tərk etdikdən sonra başa çatacaq.

Oxu.Az-ın "Mehr" agentliyinə istinadən verdiyi məlumata görə, İranın ali rəhbəri Seyid Əli Xamenei bildirib.

"Əgər onlar (ABŞ və Avropa) regiondan çıxsalar, şübhəsiz ki, münaqişələr, müharibələr və toqquşmalar tamamilə dayanacaq. Regionun bütün ölkələri öz ərazilərində və regionda özləri qayda-qanun yarada bilər, sülh, sağlamlıq və rifah içində birlikdə yaşaya bilərlər", - deyə o bildirib.