"Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) "Siqnal" İdarəsi tərəfindən yol hərəkətinin təşkilində tətbiq olunan texniki nizamlama vasitələrinin nəzarətdə saxlanılması, istismar prosesində meydana gələn problemlərin vaxtında aradan qaldırılması üçün zəruri tədbirlər görülür".

Oxu.Az xəbər verir ki, bu barədə BDYPİ məlumat yayıb.

"İdarənin regional qurumları tərəfindən bu dəfə Lənkəran, Cəlilabad, Göyçay, Şirvan və Mingəçevir şəhərlərində quraşdırılmış işıqfor obyektlərinə texniki qulluq göstərilib, idarəedici qurğularda baş verən nasazlıqlar aradan qaldırılıb.

"Diqqət, uşaqlar!" aylığı çərçivəsində təhsil müəssisələrinə yaxın küçə və prospektlərdə quraşdırılmış işıqfor obyektlərinin iş rejimi yoxlanılıb, qurğulara texniki qulluq göstərilib, sıradan çıxan hissələr yenisi ilə əvəz olunub".