Şimali Koreya beşinci gündür ki, Cənubi Koreyaya doğru zibil dolu hava şarları göndərir.

Oxu.Az Vesti.ru-ya istinadən xəbər verir ki, bu barədə Seul meriyası məlumat yayıb.

Seul iddia edir ki, KXDR-in oxşar hərəkətləri sentyabrın 4-dən bəri davam edir.

Öz növbəsində, KXDR Cənubi Koreyanın təbliğat vərəqələrinin atılmasını cavabsız qoymayacağı ilə bağlı xəbərdarlıq edib.

Qeyd edək ki, may ayından başlayaraq Cənubi Koreyaya KXDR-dən zibil dolu hava şarları gəlir. Bu artıq 17-ci belə hadisədir.