Meksika məhkəməsi parlamentə məhkəmə islahatlarını müzakirə etməyi qadağan etdi

Morelos ştatının beşinci rayon hakimi Marta Yevgenia Maqana Lopez ölkə hakimiyyətinin başlatdığı məhkəmə islahatının Deputatlar Palatasında (parlamentin aşağı palatası) müzakirəsinin dayandırılması barədə qərar verib.

Oxu.Az bu barədə TASS-a istinadən xəbər verir.

Qərara əsasən, sözügedən layihə yeni parlamentin Deputatlar Palatasında müzakirə oluna və səsə qoyula bilməz. Çünki məhkəmənin müstəqilliyi, azad məhkəmə sistemi demokratik cəmiyyətin təminatıdır.

Qeyd olunur ki, bu qərar respublikanın hakimiyyət orqanlarının başlatdığı məhkəmə islahatlarına qarşı çıxan bir qrup hakimin müraciətinə cavab olaraq qəbul edilib.