Qanunsuz saxlanılan silah-sursatın aşkar edilərək götürülməsi və ya könüllü təhvil verilməsi istiqamətində Cəlilabad Rayon Polis Şöbəsinin əməkdaşları tərəfindən əməliyyat-profilaktiki tədbirlər davam etdirilir.

Oxu.Az xəbər verir ki, keçirilən növbəti profilaktiki tədbirlər nəticəsində 11 nəfər rayon sakini müvafiq sənədləri olmadan qanunsuz saxladıqları müxtəlif markalı ov tüfənglərini könüllü olaraq polisə təhvil veriblər.

Ümumilikdə isə, cari ilin ötən dövrü ərzində Cəlilabad RPŞ-nin əməkdaşlarının keçirdikləri əməliyyat və profilaktiki tədbirlər nəticəsində iki ədəd "Kalaşnikov" avtomatı və qanunsuz saxlanılan 41 ədəd ov tüfəngi götürülüb.