Gəncədə ikiaylıq körpə xəstəxanada öldü

Gəncədə ikiaylıq körpə xəstəxanada ölüb.

Bu barədə Oxu.Az-a TƏBİB-dən bildirilib.

Qeyd edilib ki, Gəncə Şəhər Birləşmiş Xəstəxanasının nəzdində olan Uşaq Xəstəxanasının Təcili tibbi yardım şöbəsinə 16.07.2024-cü il tarixdə saat 11:10-da 21.05.2024-cü il təvəllüdlü körpə (qadın cinsli) yerləşdirilib.

"Həkimlərin səyinə baxmayaraq, həmin gün saat 19:14-də körpənin dəqiqləşdirilməmiş ağciyər-ürək çatışmazlığı diaqnozu ilə ölümü qeydə alınıb", - məlumatda vurğulanıb.