Ayda mağaralar kompleksi tapıldı: Baza qurulacaq
![Ayda mağaralar kompleksi tapıldı: Baza qurulacaq](https://images.oxu.az/2024/07/15/Kc8x8Ds71rGJr5hvo1luUDCHwNvq1pnHIMzRRh8P:1200.jpg)
16
iyul
24
08:41
İtaliya və ABŞ astronomları Aydakı sakitlik dənizinin radar görüntülərində onmetrlərlə uzunluğunda kifayət qədər böyük mağaralar kompleksinin mövcudluğuna dair sübutlar aşkar ediblər.
Oxu.Az TASS-a istinadən xəbər verir ki, bu mağaralar gələcək Ay bazalarının tikintisi üçün istifadə oluna bilər.
"Biz yarım əsrdir ki, Ayda oxşar mağara komplekslərinin ola biləcəyi barədə fərziyyələr yürüdürdük. Yalnız indi ilk dəfə olaraq onların sakitlik dənizində olduğunu sübut edə bildik. LRO zondunun göyərtəsindəki Mini-RF cihazı Ayın bu bölgəsinin, o cümlədən mağaraların girişinin yerləşdiyi ərazilərin radar şəkillərini əldə edib", - deyə İtaliyanın Trent Universitetinin professoru Lorenzo Bruzzone bildirib.