Qucaqlaşmalar bir çox cəhətdən insanın həyatına müsbət təsir göstərir. Şübhəsiz ki, qucaqlaşmanın üzünüzə necə təbəssüm yaratdığını və əhvalınızı yaxşılaşdırdığını hiss etmisiniz. Ancaq bu, yalnız xoş hisslər məsələsi deyil.


Lent.az xarici KİV-ə istinadən xəbər verir ki, dietoloq Oksana Skitalinskaya qucaqlaşmanın gözəl xüsusiyyətləri haqqında paylaşıb.


Həkim vurğulayır ki, qucaqlaşmalar stress səviyyəsinin azaldılmasında və ümumi sağlamlığın yaxşılaşdırılmasında mühüm rol oynayır. Bu, dopamin, serotonin və oksitosin kimi hormonların sərbəst buraxılması ilə bağlıdır ki, bu da məmnunluq hissini təmin edir, əhval-ruhiyyəni yüksəldir, stressi aradan qaldırır və ürək sağlamlığını yaxşılaşdırır.


Qucaqlaşmanın uzunluğu da önəmlidir: 10 saniyəlik qucaqlaşma immuniteti yaxşılaşdırır və depressiya ilə mübarizə aparmağa kömək edir, 20 saniyəlik qucaqlaşma isə stressin təsirlərini azaldır və ürəyin sağlam olmasına kömək edir. Qeyd olunur ki, insanlara sağlamlıqlarını qorumaq üçün gündə 4-12 dəfə qucaqlaşmaq tövsiyə olunur.


Oksana vurğulayır ki, dərin qucaqlaşmalar inam və təhlükəsizlik hissi yaradır, özünə hörməti artırır, həmçinin qan təzyiqini aşağı salır və immunitet sistemini gücləndirir. Beləliklə, o, bizi fiziki və emosional sağlamlığı qorumaq üçün bu sadə, lakin təsirli yolu unutmamağa təşviq edir.