Rusiyanın Xalq artisti Alla Puqaçova gizlicə Rusiyaya qayıdıb.


Axşam.az rus mətbuatına istinadən xəbər verir ki, sənətçinin bu gün axşam saatlarında Pskov vilayətindəki sərhəd keçid məntəqəsindən ölkəyə daxil olduğu bildirilir.


Ölkəyə tək qayıdan müğənni şərflə üzünü gizlətməyə çalışıb. O, daha sonra qara rəngli avtomobilə əyləşərək oradan uzaqlaşıb.


Qeyd edək ki, ifaçının bir müddət əvvəl şoumen həyat yoldaşı Maksim Qalkin və övladları ilə birlikdə İsraildən Kiprə köçdüyü məlum olmuşdu. O, Rusiya-Ukrayna müharibəsi başladıqdan sonra İsraildə yaşamağa qərar vermişdi.