Tramp prezident seçilsə, ölkədən gedəcək

Amerikalı müğənni Şer 2024-cü ildə ABŞ-da keçiriləcək prezident seçkilərində Donald Tramp qalib gələrsə, necə davranacağını deyib.
Lent.az-ın xarici mediaya istinadən xəbərinə görə, belə olan halda ABŞ-ı tərk edib başqa ölkəyə gedəcəyini deyən müğənni Trampın bundan əvvəl seçkilərdə qalib gəlməsi ilə səhhətində problemlər yaşamağa başladığını bildirib.
"Keçən dəfə demək olar ki, məndə xora yarandı, amma bu dəfə ölkəni tərk edəcəyəm", - sənətçi vurğulayıb.


Sentyabrın 15-də məlum olub ki, ABŞ-da seçkilərdə hazırkı prezident Co Baydenlə Donald Trampın tərəfdarlarının sayı bərabərləşib. "Reuters"in amerikalılar arasında keçirdiyi sorğuya görə, gələn il 47-ci prezident seçkilərində dövlət xadimləri eyni sayda - hər biri 39 faiz səs alacaqlar.