Ənənəvi olaraq hər ilin sonunda Xiaomi şirkəti T indeksli smartfonlar seriyasını təqdim edir. 2023-cü il heç də istisna deyildir. Bu yaxınlarda Berlində Xiaomi 13T "kiçik" flaqman seriyasının genişmiqyaslı təqdimatı baş tutdu.


Şirkət nümayəndələrinin bəyanatına əsasən Xiaomi 13T smartfonu dünyanın ən qabaqcıl smartfonlarından biridir. Bu, çox cəsarətli bir bəyanatdır və bunun həqiqətən də belə olub-olmadığını bugünkü icmalımızdan öyrənəcəyik. Xiaomi 13T Pro "dəmir"dən tutmuş güclü və sürətli şarj yığma xüsusiyyətinə qədər ən yaxşı üstünlükləri özündə birləşdirən smartfondur.
Bu smartfon texnoloji cəhətdən qabaqcıl və öndə olan bir cihaz olduğundan, icmalın əvvəlində onun əsas xüsusiyyətləri ilə tanış olacağıq.


Texniki xüsusiyyətlər
Qablaşdırma və komplektləşdirmə


Teatrla tanışlıq asılqanlardan başlayırsa, smartfonla tanışlıq qablaşdırmadan başlayır. Zövqlü minimalizm Xiaomi 13T Pro-nun qar kimi dümağ qutusunda özünü büruzə verir. Qutunun üzərində minimum yazı və şəkil, yalnız modelin adı və şirkətin artıq illərdir uğurlu əməkdaşlıq etdiyi Leica-nın vurğulanmış kiçik loqosu da var.

Çatdırılma dəstinə aşağıdakılar daxildir:
1. Xiaomi 13T Pro
2. Sürətli şarj cihazı 120 Vt
3. Type-C kabeli
4. Qoruyucu silikon çexol