2023-cü ilin yanvar ayında Azərbaycana 17 milyon 48.9 min dollar dəyərində 69 min 362 ədəd smartfon idxal edilib.
"APA-Economics" Dövlət Statistika Komitəsinə istinadən xəbər verir ki, idxal olunan smartfonların 66%-i Çindən idxal edilib. Belə ki, cari ilin yanvar ayında Çindən Azərbaycana 11 milyon 57 min dollar dəyərində 45 min 743 ədəd smartfon gətirilib.
Qeyd edək ki, Azərbaycana gətirilən smartfonların 15.5%-i ( 10 min 760 ədədi) Hindistandan, 18.5%-i (12 min 858 ədədi) isə Vyetnamdan idxal edilib.