NATO-nun Baş katibi: "Ukraynadakı müharibə daha da gərginləşə bilər"

"Ukraynaya hərbi yardım münaqişəni daha da gərginləşdirə bilər".


"Report" xarici KİV-ə istinadən xəbər verir ki, bunu NATO-nun Baş katibi Yens Stoltenberq Münxen Təhlükəsizlik Konfransında çıxışı zamanı deyib.


O bildirib ki, belə bir risk var: "Ümumiyyətlə, risksiz variant yoxdur. Amma bizim üçün Rusiya Prezidenti Vladimir Putinin qalib gəlməsi daha risklidir, nəinki eskalasiyanın dərinləşməsi".


Xatırladaq ki, Rusiya ilə Ukrayna arasında müharibə ötən il fevralın 24-də başlayıb.