Amerikalı müğənni Keti Perri konsert zamanı göz tikinə görə pis vəziyyətə düşüb.
Bununla bağlı yayılan kadrlarda görünür ki, 38 yaşlı məşhurun gözünün biri qeyri-ixtiyari bağlanır. O, əli ilə gicgahından basaraq bunun qarşısını almaq istəsə də, səyi uğursuz olur. Keti Perri məcburiyyət qarşısında qalaraq səhnəni tərk edir.
Pərəstişkarlarından bəziləri ulduzun xəstəliklə üzləşdiyini, digərləri isə onun həddindən artıq inyeksiya vurdurduğu üçün bu hala düşdüyünü deyib.
"Niyə hamı gülür? Bu, əsəbdəndir", "Bəlkə bunlar peyvəndin nəticəsidir?", "Yazıq Keti", "Bəlkə kosmetoloqa getməyi dayandırmağın vaxtıdır?" - deyə istifadəçilər öz fikirlərini bölüşüb.
Perrinin özü isə hələlik hadisə ilə bağlı açıqlama verməyib. (Oxu.az)