Ən qədim ev quşları məlum oldu

Qazlar 7000 il əvvəl indiki Çin ərazisində əhliləşdirilib.
MAY.AZ Oxu.az-a istinadən xəbər verir ki, bu barədə "Proceedings of the National Academy of Sciences" jurnalında məqalə dərc olunub.
Tədqiqatın müəlliflərindən biri olan Hokkaydo Universiteti Muzeyindən Masaki Eda bildirib ki, ölkə ərazisində aşkar edilmiş yeni tapıntılar ev quşların əhliləşdirilməsinin tarixini daha qədimə aparır.
Tədqiqatçılar 232 qaz sümüyü müəyyən edərək, quşların əhliləşdirildiyi qənaətinə gəliblər. Alimlərin qənaətləri doğrudursa və qazlar 7000 il əvvəl əhliləşdirilibsə, o zaman onlar bəşəriyyət tarixində məlum olan ilk ev quşlarıdır.