Bu gün 44 günlük Vətən müharibəsinin başlanmasından bir il ötür.
MAY.AZ  xəbər verir ki, bu müharibədə bizə öz canı bahasına qələbə bəxş edənlərdən biri də Hüseynov Sənan Vidadi oğludur.
1 aprel 1996-cı il tarixində Qazaxıstanda doğulan Sənan əslən Füzuli rayonunandır. 2008-ci ildə ailəsi ilə Azərbaycana köçüb. 2016-cı ildə hərbi xidməti başa vurub, evə qayıtmalı olduğu zaman aprel döyüşləri başlayıb və o, həmin döyüşlərdə iştirak edib.

Sənan kəşfiyyatçı olub. 2020-ci ilin sentyabr ayının 21-də hərbi səfərbərliknən İkinci Qarabag müharibəsinə çağırılıb. Füzuli, Qubadlı,
Cəbrayıl, Xocavənd uğrunda gedən döyüşlərdə iştirak edib.

Sənan ağır Daşaltı döyüşlərindən sonra, noyabrın 7-də Şuşanın azadlığı uğrunda gedən döyüşlərdə şəhidlik zirvəsinə ucalıb.
Ölümündən sonra o, "Vətən uğrunda", "Qubadlının azad olunmasına görə", " Füzulinin azad olunmasına görə", "Şuşanın azad olunmasına görə" və "Cəsur döyüşcü" medalları ilə təltif olunub.
Şəhidimiz Binə şəhidlər xiyabanında dəfn edilib.
Allah rəhmət eləsin!