"Kurtlar Vadisi"nin aktrisası Azərbaycana belə dəstək oldu

"Azərbaycanımın gözəl insanlarını, bacılarımı, qardaşlarımı salamlayıram. Bundan öncə Bakıda iki dəfə canlı efirdə sizinlə görüşmüşdüm, amma bu günün xüsusi özəlliyi var. Bu gün çox xoşbəxt və sevincliyəm".

MAY.AZ xəbər verir ki, bu sözləri News24.az-a özəl olaraq video göndərən Türkiyənin məşhur aktrisası Serpil Tamur deyib. O, qəhrəman ordumuzdan ağızdolusu danışıb: "Qəhrəman Ordumuzun qazandığı uğurları nəticəsində illər sonra doğma yurdumuz, torpağımız Qarabağa qayıdırıq. Kənd-kənd, şəhər-şəhər, rayon-rayon doğma yerlərimizə qovuşuruq. Gözümüz aydın, bayramımız mübarək olsun! Biz iki dövlət, bir millətik, varmı dünyada belə bir şey? Yoxdur. Canlarım hər birinizi sevgi və həsrətlə qucaqlayıb, bağrıma basıram. Qələbə bizimlədir. Qarabağ Azərbaycandır".