Alimlər bildirirlər ki, COVID-19 virusuna yalnız kütləvi peyvəndlənmə yolu ilə qalib gəlmək mümkündür.

Mütəxəssislərin rəyi haqqında “Sciencealert” agentliyi xəbər verib.

İmmunologiya professoru Erik Vivye qeyd edir ki, insan orqanizmində viruslara qarşı anticisimlərin yetərli miqdarının toplanması üçün üç həftə tələb olunur. Anticisimlər bu halda orqanizmin müdafiəsini bir neçə ay təmin edə bilir.

Ancaq yeni koronavirus qeyri-adi xüsusiyyətlərə malik olduğundan, elm adamları bu proqnozu qəbul etmirlər.

Virusa yoluxmuş, immuniteti formalaşmış xəstələrin sağalmalarına baxmayaraq, koronavirusun yenidən meydana gəlməsi halları da məlumdur.

COVID-19-un orqanizmdə tamamilə yox olması da ehtimal edilmir.

Bu və digər qeyri-müəyyənlikləri nəzərə alaraq, ekspertlər bəlli müddət ərzində dünyada koronavirusa qarşı kollektiv immunitetin əmələ gələcəyini və pandemiyanın öz-özünə yox olacağını da ehtimal edirlər.

Avstraliyanın Kertin Universitetinin professoru Arçi Klements bildirib ki, hazırda koronavirusla mübarizədə yeganə həll yolu peyvənddir.

Qeyd edək ki, koronavirusa qarşı vaksinin sınaqdan keçirilməsinə bu ilin iyun ayından başlanılması nəzərdə tutulur.