DÇ-2026: Azərbaycan - İslandiya oyununda ikinci qol vurulub

DÇ-2026-nın seçmə mərhələsinin Azərbaycan - İslandiya oyununda ikinci qol vurulub. 

BAKU.WS xəbər verir ki, 8-ci km qəsəbə stadionunda keçirilirən matçda qonaqlar hesab arasındakı fərqi artırıblar - 2:0.

39-cu dəqiqədə Sverrir İnqason dəqiq zərbə müəllifi olub.

***21:22

DÇ-2026-nın seçmə mərhələsinin Azərbaycan - İslandiya oyununda hesab açılıb.

BAKU.WS xəbər verir ki, matçda Albert Qyudmyundsson fərqlənib.

O, 20-ci dəqiqədə adını tabloya yazdırıb.

***21:00

Bakıda 8-ci km qəsəbə stadionunda DÇ-2026 seçmə mərhələsi çərçivəsində Azərbaycan- İslandiya qarşılaşması start götürüb.

BAKU.WS xəbər verir ki, matçı Nikola Dabanoviç rəhbərliyi ilə Monteneqro və Serbiyadan olan hakimlər briqadası idarə edir.

***20:00

Bu gün DÇ-2026-nın seçmə mərhələsində üz-üzə gələcək Azərbaycan və İslandiya yığmalarının start heyətləri açıqlanıb.

BAKU.WS xəbər verir ki, milli komandalar meydana aşağıdakı "11-lik"lə çıxacaqlar:

Azərbaycan: Aydın Bayramov, Elvin Bədəlov, Bəhlul Mustafazadə, Anton Krivotsyuk, Abbas Hüseynov, Emin Mahmudov (k), Abdulla Xaybullayev, Rüfət Abbasov, Toral Bayramov, Xəyal Əliyev, Nəriman Axundzadə

İslandiya: Elias Olaffson, Mikael Ellerston, Daniel Qrettarson, Sverrir İnqason, Viktor Palsson, Hakon Arnar Haraldsson (k), İsak Youhannesson, Yohan Qudmundsson, Kristian Hlinsson, Andri Qudyonsen, Albert Qyudmyundsson

Qeyd edək ki, Azərbaycan - İslandiya matçı bu gün, 8-ci km qəsəbə stadionunda, saat 21:00-da start götürəcək.