İnstaqramda yeni fişinq növü aşkar olunub.

BiG.AZ ted.az-a istinadən bildirir ki, Yeni il qabağı dələduzlar hücuma keçiblər.

Axır vaxtlar tez-tez rastlaşdığımız "giveaway" yarışmaları hamının sevimlisi olmağı bacarıb. Bundan istifadə edərək, kiber cinayətkarlar İnstaqramdakı böyük hesabları qırıb yarışmanın keçiriləcəyi barədə paylaşım edirlər. Beləliklə, saxta paylaşıma inanan insanlar müəyyən məbləği ödəyib dələduzların oyununa gəlirlər.

Mütəxəssislərin fikrincə, bu sxem əsasən Yeni il ərəfəsində effektiv olur. Onlar tövsiyə edir ki, istifadəçilər yarışmaya girməzdən öncə səhifənin digər hesabları və nömrələri ilə əlaqə saxlasınlar.