Türkiyəli müğənni Demet Akalın yenidən paylaşımı ilə sosial medianın gündəminə düşüb.


Axşam.az xəbər verir ki, ifaçı tviter hesabında yeni yayımlanan "Yalı çapkını" serialı ilə bağlı sual ünvanlayıb. O, "Serialın sonunu bilən var? Kitabın qısaltması çox köhnə dildədir, başa düşmədim" deyə, yazıb.
İzləyicilər onun bu sualına "Köhnə deyil, oxumamısınız deyə anlamamısınız", "Biz də sizin yazdığınızı başa düşmürük", "Hələ kitabın qısaltmasını oxuyub" kimi şərhlər yazıb.
Qeyd edək ki, sözügedən serialın baş rollarını aktyorlar Afra Saraçoğlu, Çetin Tekindor, Şerif Sezer və Emre Altuğ canlandırır. Ekran işinin ilk bölümü sərt tənqidlərə tuş gəlmişdi.