Воскресенье
сен 25

Bu sevginin ömrü bura qədərmiş.

Bu sevginin ömrü bura qədərmiş.


Bu dünyada əbədilik nə var ki,
Ömür kimi hər şey gəldi-gedərmiş,
Nə sevginin günahı var nə bizim
Bu sevginin ömrü bura qədərmiş.

Məcnun ahı,Leylinin göz yaşları
Nə biləydik əfsanəymiş,hədərmiş
Qəm eyləmə hər yolun bir sonu var
Bu sevginin ömrü bura qədərmiş

Gülə-gülə başlamışdıq bu eşqi
Axırında göz yaşıymış kədərmiş
Məhəbbətin payız fəsli var imiş
Bu sevginin ömrü bura qədərmiş

Ayrılırıq xatirələr içində,
Bu ayrılıq ölümdən də betərmiş
Təsəllimiz bu olacaq sevgilim,
Bu sevginin ömrü bura qədərmiş

Комментарии (0)

Оставить комментарий