Aktyorların teatrı birdəfəlik tərk edib, seriallara getmələrini qəbul etmirəm. Sənətçilərimiz həm seriallarda, həm də tamaşalarda oynayırlar.

Bunu Oxu.Az-a Əməkdar artist Anar Heybətov teatrlardakı son vəziyyətə münasibət bildirərkən deyib.

Əməkdar artist son vaxtlar çəkilən kommersiya filmlərini bəyənmədiyini bildirib:

“Düzdür, hazırda yeni gənc aktyorların teatrlara axını yoxdur. Amma istedadlı gənclər teatra cəlb edilir. Əslində aktyor olmadığı halda seriallara və filmlərə çəkilən “aktyorlar” bizim böyük bəlamızdır. Ancaq bunun qarşısını necə almağı bilmirəm. Pis-yaxşı, hamı film çəkir. Hətta bizim bəyənmədiyimiz film xalq tərəfindən daha çox baxılır. Bunun nə ilə bağlı olduğunu bilmirəm. Bəlkə də tamaşaçının zövqünü dəyişmişik.

Hazırda çəkilən filmlərin çoxuna baxmamışam. Amma baxdığım bir neçə kommersiya filmlərindən narazıyam. Aralarında yaxşıları da ola bilər, təəssüflər olsun ki, mən deyə bilməyəcəm. Serialların dəyişməsi üçün isə zaman lazımdır”.

“Təklif gələn kommersiya filmlərindən imtina etdiyiniz olub?” sualına aktyor belə bir hadisənin olduğunu açıqlayıb:

“Bu yaxınlarda kommersiya filminə dəvət etmişdilər. Amma özümü o filmdə görmədim. Təklif edən dostlarıma da bunu açıq şəkildə dedim. Yəqin ki, məndən incimədilər”.

“Özünüzü bir çox sənət dostlarınız kimi deputat görürsüz” sualına Anar Heybətov belə bir fikrinin olmadığını qeyd edib:

“Buna normal baxıram. Amma özümü deputat kimi görmürəm. İşimlə məşğul olsam, daha yaxşı olar”.

Son günlər Azərbaycan Teatr Xadimləri İttifaqının (TXİ) konfransı ilə bağlı yaranan qalmaqala münasibət bildirən Əməkdar artist ittifaqın fəaliyyətini normal qiymətləndirib:

“Dostumuz aktyor Elnur Kərimov həmin konfransa dəvət olunmamışdı. Elnur ora dəvətsiz gəlmişdi. Elnurun xətrini çox istəyirəm. Amma mən olsaydım, dəvətsiz yerə getməzdim. İnanın ki, Elnur kimi çox aktyor həmin konfransa gəlmək istəyir. Ümumiyyətlə, ittifaq tam normal fəaliyyət göstərir”.

BiG.AZ əməkdar artist Abbas Bağırovla müsahibə edib. Müğəninin səmimi açıqlamalarını sizə təqdim edirik:

-İşlərinizdə hansı yeniliklər var?

-Yeniliklər çoxdur. Elçin İmanovla birlikdə bütöv bir albom üzərində işləyirik. Albomda 15 mahnı yer alacaq. Təqdimatını da yanvar ayının sonuna planlaşdırırıq. Həmin albomda yer alacaq mahnıların bir neçəsinə klip çəkməyi də düşünürük. Öz bəstələrim də var . Onlardan ikisinə klip çəkmişik artıq. Gələn ilin payızına qədər konsert olmasını da planlayırıq.

- Abbas bəy, bir çox sənətçilər “xalq artisti” adını aldı. Siz də bunu gözləyirsinizmi?

Mən əməkdar artist adını alarkən heç gözləmirdim. Artıq 8 ildir ki, bu ada layiq görülmüşəm. “Xalq artisti” adı illərdir səhnədə çəkdiyin əziyyətlə qiymətləndirilmir. Bu sadəcə tamaşaçıların sevgisi ilə ölçülür. Bu gün nə qədər çox sevilməyindən aslıdır. Alanlara qarşı heç bir etirazım yoxdur.

- Bəzi müğənnilər, məsələn, Nazir Qafarzadə, Xatirə İslam hər dəfə etirazlarını bildirirlər ki, niyə bizə verilmədi bu ad. Sanki bir üsyan kimi

Mən onların fikrinə heç bir söz deyə bilmərəm. Mənə bu ad 15-20 il sonra da verilsə, deməli həmin tarixdə lazım biliblər. Bu mağazada satılan bir şey deyil ki, hər kəs alsın. Bu təkcə toylarla, gündə bir mahnı oxumaqla əldə olunan ad deyil. Müəyyən işlər də görmək lazımdır. Oxuduğun mahnıların insanların zövqünü oxşaması, tarixdə qalması çox önəmlidir. Bu gün gündəmdə olanı oxuyum və qarşılığını gözləməklə olmur. Azərbaycan musiqisi, Azərbaycan incəsənəti yüngül deyil. Azərbaycan musiqisi öz çiynində Üzeyr Hacıbəyli, Tofiq Quliyev, Fikrət Əmirov kimi dahi şəxsiyyətləri daşıyır. Bax onların zamanında bəstələdiyi, ərsəyə gətirdiyi əsərlər bu gün də dinlənilir. İndi biz də çalışmalıyıq belə musiqilər qoyaq ortalığa. Ondan sonra nəsə əldə edə bilək.

- Afaq Bəşirqızının millət vəkili seçilməsi ilə bağlı bir çox sənət adamları, incəsənət xadimləri kompaniyaya başlayıb...

-Mən də dəstəkləyirəm. Düşünürəm ki, Afaq xanım Azərbaycan incəsənətinin müdafiəsində , Azərbaycan kinosunun və teatrının düzgün formalaşmağında sözükeçən bir adam olacaq. Onda sözünü deməkdən utanmaq, çəkinmək kimi bir xarakter yoxdur. Afaq xanımın millət vəkili olması o demək deyil ki, ancaq siyasətlə maraqlanacaq. O,həm də incəsənətdə müəyyən qədər çəkisi olan bir sənətçidir. Buna görə də, niyə də yox? Niyə də olmasın?

- Röya xanım müsahibəsi zamanı dedi ki, mən inanıram ki, Afaq xanım mənim və həmkarlarımın deyə bilməyəcəyi sözü deyəcək. Siz də belə düşünürsünüz?

-Bəli, mən də belə düşünürəm. Çox istəyərdim ki, Afaq xanım millət vəkili seçilsin.

- Ata olmaq necə hisdir?

-Təbii ki, çox gözəldir. Hər bir insan valideyn olmaq hissi ilə necə xoşbəxt olursa , eyni ilə mən də. Mən indi özümü dünyanın ən xoşbəxt insanı hesab edirəm. Ailəm mənim üçün hər şeydən önəmlidir. İşimdən də, istənilən hər şeydən də. Yetəri qədər də qayğı göstərirəm.

Bir neçə aydır boşanacaqları barədə xəbərlər dolaşan Kənan Doğulu və Beren Saat cütlüyü barışıb.

May.az-ın məlumatına görə, Kənan Beren barədə maraqlı açıqlamalar verib.
Cütlük barışmaq üçün Los-Ancelesdəki evlərinə gedib.

"Ona olan sevgim və itirmək qorxusu var. Beren ilə tanış olandan sonra bu qorxunu dəf edə bilmədim, istəmirəm də. Çünki bu münasibəti bu qorxu daha da gözəl edir", - deyə Kənan bildirib.

Avstraliyada 140 min dollarlıq ziyana səbəb olan yaxta qəzası ilə bağlı bəzi detallar məlum olub.

Milli.Az Nyu-York post-a istinadla xəbər verir ki, yaxtadakı kapitan və matrosun laqeydliyi səbəbindən ağır qəza baş verib.

Hakim qarşısına çıxarılan 26 yaşlı matros Cheya Handley məhkəmədə səhvini boynuna alıb. O bildirib ki, qəza baş verən zaman kapitanla cinsi əlaqədə olub.

"Mən başa düşürəm ki səhv məndədir. Mən içkili idim və həmin anda kapitanla sekslə məşğul olurdum", - matros məhkəmə zalında söyləyib.

Qeyd edək ki, sükan arxasında kimsə olmayan gəmi əvvəlcə mayaka sonra da, başqa yaxtaya çırpılaraq 140 min dollarlıq zərərə səbəb olub.

"İnstagram" fenomeni Şeyma Subaşının sevgilisi xəyanət iddialarına cavab verib.

MAY.AZ ölkə.az-a istinadən bildirir ki, bir müddət öncə onun gənc bir xanımla yayılan fotoları mediada aldatma xəbərlərinin yayılmasına səbəb olub.

İtalyan dicey Guido Senia bu barədə "İnstagram" səhifəsində paylaşım edib.

"O, mənimlə şəkil çəkdirmək istəyən bir pərəstişkarım idi. Arada çox səfeh olursunuz",- o qeyd edib.

Bitki çayları qədim zamanlardan bəri insanların önəm verdiyi və təbiblərin məsləhət gördüyü içkilərdir.

Bir çox xəstəliyin müalicəsində köməkçi olaraq istifadə edilən bitkilər mütəxəssislə məsləhətləşmədən istifadə edilməməlidir.

BiG.AZ xarici mətbuata istinadən bitki çaylarının növlərindən bəhs edəcək.

Yaşıl çay

Ən güclü antioksidantlardan biridir. Xərçəngin yaranmasının qarşısını alır, xolestrin miqdarını azaldır, ürək-damar sisteminə xeyirdir. Qan təzyiqini aşağı salır, dişlərin çürüməsinin qarşısını alır, diş əti xəstəliklərinə qarşı qalxan yaradır. Metobolizmanı sürətləndirir, arıqlamağa kömək edir və immuniteti gücləndirir.

Çobanyastığı çayı

Yuxusuzluqdan əziyyət çəkən insanlar üçün idealdır. Revmatizma, dəri xəstəlikləri, qastrit, bağırsaq iltihabı kimi xəstəliklərin müalicəsində köməkçi vasitədir. Çobanyastığı çayı stresi azaldır, mədə ağrısının qarşısını alır, əzələləri sakitləşdirir, diş əti xəstəlikləri ilə mübarizə aparır. Həmçinin ağıziçi iltihablarının müalicəsində də qarqara suyu olaraq istifadə edilə bilər.

Razyana çayı

Həzm problemi, mədə ağrısı, qaz və köp kimi narahatlıqlar zamanı istifadə edilə bilər. Xüsusilə də, süd verən analar üçün idealdır. Həm südü artırı, həm də körpədə qaz və köp yaranmasının qarşısını alır.

Gicitkən çayı

Tərkibində yüksək miqdarda dəmir var. Anemiyanın müalicəsində istifadə edilir. Həmçinin həzm sistemini normallaşdırır və orqanları təmizləyir. Sidik yolları infeksiyasının müalicəsində köməkçi vasitədir. Öskürəyə yaxşı təsir edir, immuniteti gücləndirir, soyuqlamanı aradan qaldırır, həzm sistemini normallaşdırır.

Sürvə yarpağı çayı (Şalfey)

Latıncadan tərcümədə “sağaltmaq” deməkdir. Zərərli toksinləri bədəndən atır, beyin funksiyalarını inkişaf etdirir və bronxit, astma xəstəliklərinin simptomlarını zəiflədir. Qara ciyəri təmizləyir, sidik yolları infeksiyasının müalicəsində köməkçi vasitədir.

Məkkəgülü çiçəyi

Tərkibində yüksək miqdarda C vitamini olan kafeinsiz məkkəgülü çiçəyi (hibiskus) çayı immuniteti gücləndirir. II tip diyabetlərdə qan təzyiqini aşağı salmağa kömək edir. Antioksidantdır, xolestrini aşağı salır, mədə xərçənginin yaranmasının qarşısını alır. Piylənmənin qarşısını alır. Susuzluğu yatırır.

Kəklikotu çayı

Təxminən bir-birindən müxtəlik 350 növü olan kəklikotu çayı güclü antioksidantdır. Öskürəyi azaldır, həzm sistemini yaxşılaşdırır, orqanizmi lazımlı minerallarla təmin edir. Boğaz ağrısını azaldır, ağıziçi yaralarının sağaldır, dişəti xəstəliklərinə qarşı mübarizə aparır. Antiseptikdir, soyuqdəyməni aradan qaldırır, şişkinliyi və stresi azaldır.

Cəfəri çayı

Dəmir çatışmazlığı problemləri olanlara cəfəri suyu məsləhət görülür. Qrip və soyuqdəyməni aradan qaldırır, aybaşı zamanı ağrıları azaldır. Güclü sidikqovucudr.

Bir neçə gün öncə oğlunu dünyaya gətirən türkiyəli aktrisa Hazal Kaya nümunəvi addımı ilə hər kəsə örnək olub.

MAY.AZ xəbər verir ki, o, oğluna göndərilən hədiyyə və oyuncaqları uşaq evlərinə bağışlayıb.

Qeyd edək ki, sənətçi toyunda da iki xəstə uşağın anasının hazırladığı yeməkləri qonaqlarına təqdim etməklə, həmin qadınlara dəstək olmuşdu.

Trakya Universitetinin Qida Mühəndisliyi professoru Hacı Güleç “Prebiotiklər: Sağlamlığımıza təsiri, İstehsalı və Biotexnoloji Tədqiqatlar" adlı konfransda probiotik və prebiotik konsepsiyaların qarışdırıldığını söyləyib.

Medicina.az publika-ya istinadən verir ki, professor bir kasa qatıqdan sonra bir ədəd alma yeməyi məsləhət görüb:

“Probiotiklər kefir və süd məhsullarında canlı orqanizmdir, onları qidalandıran təbii əlavələrdir. Probiotik və prebiotik balansını düzgün qidalanma ilə təmin edə bilərik. Məsələn, bir kasa qatıqdan sonra mütləq bir alma yemək lazımdır. Alma, yaşıl tərəvəzlər, çuğundur və yer alması ilə bədənimizə faydalı olan probiotiklər və prebiotiklər qəbul edə bilərik”.

Arıqlamaq və ya çəkini stabil saxlamaq üçün bəzən pəhrizlərdə yalnız süd məhsullarına yer verilməsinə mütəxəssis belə münasibət bildirib:

“Bu zaman probiotik mikroorqanizmi bağırsaqlarda ölür. Heç bir fayda görmürük. Yalnız probiotik kifayət deyil. Probiotiklər və prebiotiklərin birlikdə istifadəsi böyük rol oynayır. Arıqlamaq üçün düzgün qidalanın. Düzgün qidalanma sayəsində həm çəkini nəzarətdə saxlamaq, həm də arıqlamaq mümkündür”.

“Facebook”un yaradıcısı Mark Zukerberq və xanımı Pristsilla Çen Kaliforniyadakı yeddi milyon dollarlıq evlərinin qapılarını (CBS) kameraları üçün açıb.

Bu barədə “Daily Mail” xəbər verib.

Aparıcı Geyl Kinq onlardan bu qədər maddi imkan olduğu halda övladlarına necə tərbiyə verdiklərini soruşub. Cütlük qızları dörd yaşlı Maksimlə, iki yaşlı Avqustu “disiplinli” olmağa və əməksevərliyi aşılamağa çalışdıqlarını deyiblər:

“Biz onlara hər şeyi vermirik. Düşünürəm ki, bu vacibdir. Həmçinin, onların öz vəzifələri var”, - deyə Zukerberq bildirib.

Bundan başqa, onlar uşaqlara ev tapşırıqları verdiklərini və özləri ilə işə apardıqlarını söyləyiblər.

“Biz onları özümüzlə işə aparırıq ki, nəyi necə etdiyimizi görsünlər”, - deyə Çen vurğulayıb.

Masaj rahatlaşmaq ehtiyacı duyan və yorğunluğunu atmaq istəyən hər kəsin ağlına gələn ilk alternativdir. Masaj həm də bədən üçün bir neçə dəqiqəlik xoşbəxtlik deməkdir. Ağrıyan kürək, boyun və sıxılmış əzələlər üçün, yəqin ki, masajdan daha gözəl hədiyyə ola bilməz. Masaj bir müddətə də olsa, dünyadakı bütün stress və gərginliyi uzaqlaşdıran fiziki, zehni və ruhi təmizlənmə, rahatlıq fasiləsidir.

Medicina.az xəbər verir ki, masaj 45-70 dəqiqəyə yaxın edilməlidir. Masaj həm müalicə məqsədilə, həm də bədəni rahatlaşdırmaq üçün edilir. Sığallamaq, ovmaq, yoğurmaq, titrətmə kimi rahatladıcı texnikalarla edilən masaj müalicə məqsədi ilə deyil, əzələlərin sakitləşməsi, zehni və ruhi baxımdan istirahət, stressdən çıxmaq və sadəcə kef məqsədli həyata keçirilir.

Masajın faydaları

-İmmunitet sistemini gücləndirir

-Qan dövranını tənzimləyir

-Metabolizmi sürətləndirir

-Həzm və ifrazat sistemini yaxşılaşdırır

-Yağ yandırılmasını sürətləndirir

-Şiş ölçüsünü azaldır

-Əzələləri boşaldır

-Yuxu rejimini yaxşlaşdırır

-Stress və yorğunluğu aradan qaldırır, ruhu cəhətdən insanı sakitləşdirir

-Qocalmağı gecikdirir, hüceyrə yenilənməsini sürətləndirir

-Orqanizmdə toplanan toksinlərin atılmasını təmin edir

-Heç işləməyən əzələlərin işləməsi təmin edilir

Sağlamlaşdırıcı masaj əvəzolunmaz və vacib prosedurdur. Bu yolla bir sıra xəstəliklərdən yaxa qurtarmaq və ya ən azından profilaktik tədbir görmək olar. Bu üsuldan bir sıra xəstəliklərdə istifadə olunur. Böyüklərlə yanaşı, uşaqlarda da masaj çox gözəl effekt verir. Bu, daha çox əzələlərin iş prinsipinə təsir edir. Orqanizmdə 400-dən çox əzələ var, onların hər birinin damar və sinir təchizatı mövcuddur. Ona görə də əzələlərin qısalması, ifliclər zamanı masaj mütləqdir. Mütəmadi olaraq boğazın masajı infarkt, insult, hipertoniya kimi xəstəliklərin yaranması riskini azladır. Əzələlərin masajı zamanı beyinə sakitləşdirici impulslar ötürülür və bu, arterial təzyiqi aşağı salır.

Masajla bağlı aparılan tədqiqatlarda məlum olub ki, boyun nahiyəsinin masajı zamanı əldə olunan effekt müvafiq dərman preparatlarının verdiyi effektə bərabərdir. Masaj növlərinin içərisində ən təsirli akva-masajın olduğunu nəzərə alsaq, əminliklə deyə bilərik ki, üzgüçülük bir çox ağır xəstəliklərin dərmanıdır.

Xanımlar üçün masajın xüsusi faydaları var

-Masaj dərinin və əzələlərin dartılmasını və daha təravətli görünməsini təmin edir. Həftədə 3 gün 30-45 dəqiqəlik masaj etmək kollagen liflərin elastikliyini artırır. Dərinin qocalma prosesini gecikdirir.

-Masaj arıqlamağa kömək etdiyi kimi, bir çox qadının əziyyət çəkdiyi sellülitin yaranmasının da qarşısını alır.

-Yaxşı masaj bütün sellülit müalicələrindən daha təsirlidir. Əslində sellülit müalicəsi üçün istifadə edilən alətlərin hamısı masajı təqlid edir. Masaj edən insanın əl qabiliyyətinin qiyməti getdikcə bahalaşdığı, təbii olaraq yorulmaq ehtimalı yüksək olduğu üçün masaj alətləri təkmilləşdirilmişdir.

-Sellülit toxuması pozulmuş yağ hüceyrəsidir. Qan və limfa dövranında çətinliklər nəticəsində su toplayan yağ hüceyrələri sərtləşir. Beləcə, normal yağ toxuması pozulur, portağal qabığı görünüşünü alır. Masaj qan və limfa dövranını düzəldərək sellülitin azalmasına yardımçı olur. Xüsusilə limfa drenaj masajları müəyyən nöqtələrə tətbiq olunan təzyiq sayəsində limfa dövranını daha fəal şəkildə sürətləndirirlər. Nəticədə yağ toxumasında hapsolan maye sərbəst qalır, hərəkətə gəlir. Qan dövranı sistemi artıq maye və digər toksinləri çeşidləyərək sidik və ya tər vasitəsilə bədəndən xaric olunmasını təmin edir. Beləliklə, orqanizm toxuması sıxlaşır. Yadınızda saxlayın ki, yaxşı sellülit masajından sonra sidiyə çıxma istəyinin olması normal haldır. Ətirli yağlar masajın təsirlərini daha da artırırlar. Bitki tərkiblərindən ibarət olan bu yağlar bədəni rahatladır və yağların parçalanmasına yardımçı olurlar.

Oğlunun dostu ilə yatan qadın müəllimin məhkəməsi keçirilib.

May.Az Nyu-York post-a istinadla xəbər verir ki, ABŞ-ın Florida ştatında yaşayan 40 yaşlı Susan Weddle adlı qadın müəllim oğlunun sinif yoldaşı və yaxın dostu ilə əxlaqsızlıq etdiyinə görə bir müddət əvvəl saxlanılıb.

Pensacola News Journal yazır ki, oğlunun futbol matçından sonra onlarla birlikdə içki içən qadın sonradan oğlunun dostu ilə əxlaqsızlıq edib.

Həmin gün başlayan münasibət aylarla davam edib. Qadın hər dəfəsində özünü günahkar hiss etdiyini söyləsə də, onlar dəfələrlə intim münasibətdə olublar.

Onların məktəbdə öpüşdüyünü görən digər şagirdlər müdriyyətə xəbər veriblər. Olayın üstü açıldıqdan sonra McArthur adına orta məktəbdə müəllim işləyən qadın vəzifəsindən kənarlaşdırılıb.

Qeyd edək ki, cinsindən, könüllü və ya məcburi olmasından asılı olmayaraq yaşı 18-dən az olanla cinsi əlaqədə olmaq təcavüz sayılır və cinayətdir.

“Heç ondan pul istəyən də yoxdur. Rəqsanə həyatda heç var ki? Qaçıb, Moskvadadır. Neçə dənə cinayət işi var. Arxasında o qədər cinayəti olan insan Bakıda qala bilməzdi. Dələduzluq edə-edə, ona-buna ata-ata villa tikdirməyə nə var ki? Burada təəccüblənəsi nə var ki?”.

Axşam.az xəbər verir ki, bu sözləri jurnalist Ülviyyə Alovlu Oxu.az-a açıqlamasında deyib.

O, “Rəqsanə Moskvada dünya şöhrətli pop ulduz Cennifer Lopezin villasının eynisini özü üçün tikdirir” şərhinə bu cür münasibət bildirib:

“Rəqsanədən fərqli olaraq, şəxsən mən Cennifer Lopezin villasında olmamışam. Rəqsanə CeyLonun evi kimi necə ev tikdirə bilər? CeyLonun evinin qiymətini heç bilirsiniz? Sənətlə müqayisə etsinlər özlərini. Adama deyən lazımdır ki, CeyLonun villasından tikdirirsənsə, bütün Bakı arxanca niyə borca görə ağlayır? Niyə axtarırlar səni?

İradə İbrahimovanın bacısının salonunda işləyən qızın adına Rəqsanə bacısı üçün mağazadan telefon alıb. Hələ də onun pulunu ödəyib qutarmayıb. Bu xırda-xırda borcları niyə ödəmirsən? Əyninə geyindiyin paltara görə səni məhkəməyə vermişdilər. Əgər yaxşı adamsansa, niyə qaytarmırsan borclarını? Mənə onun vicdan borcu qalıb. Bir Allahı bilər, bir də özü. Adam gərək yalançı olmasın”.

Ü.Alovlu Rəqsanənin müğənni qızı Aysun İsmayılovanın səsinin olmamasını söyləyərək, onu ələ salıb:

“Qızı getsin oxumağı öyrənsin. Notlara düşmür. O qədər pafoslu çıxışlardansa, özünü öldürməkdənsə, musiqi müəllimin yanına getsəydi, daha yaxşı olardı”.

Söz yazarı müğənnilərin fəaliyyətsizliyinə etiraz edərək, ifaçıları özünəməxsus şəkildə kateqoriyalara bölüb:

“Müğənnilərə yalnız mahnı yazıram. Digər fəaliyyət mənə maraqlı deyil. İnkişaf etmək istəyirəm. Prespektivi olan ifaçılar yoxdur. Hamı yatıb. Məlum məsələdir, bizdə prodüser mərkəzləri yoxdur. Bütün müğənnilər öz hesablarına dolanırlar. Son zamanlar toylar da səngidiyi üçün dəbdə də deyillər. Yalnız “A” və “C” kateqoriyada olan müğənnilərə təlabat var (gülür). Ona görə də “B”lər və “B”-dən aşağı olan orta prespektivli gənc ifaçılar gözlərini dikiblər toya. Birincilər yerini tutub bəkidiblər, aşağıdakılarda aşağıda qalıblar. Ortada da heç kim yoxdur. Boşluq var”.