Telefonunuzdakı bu funksiya batareyanızı boşaldır - Onu söndürün

Bir çox insan üçün ən çox rast gəlinən şikayətlərdən biri telefonlarının batareyasının tez tükənməsidir.

Lent.az xəbər verir ki, mütəxəssislər bəzi telefon funksiyaları və parametrlərinin lazımsız enerji sərf etdiyini deyirlər.

Arxa fonda işləyən proqramlar və avtomatik sinxronizasiyalar cihazın enerjisini tez itirməsinə səbəb ola bilər.

Bir çox cib telefonu istifadəçilərinin bilmədən batareya enerjisini istehlak etdiyi xüsusiyyətlərdən biri də klaviatura səsi və vibrasiyasıdır.

"Computer Hoy" ekspert portalı izah edir ki, bu funksiya lazımsız enerji sərf edir və batareyanın daha tez tükənməsinə səbəb olur.

Ona görə də bu funksiyanı söndürməyiniz məsləhətdir.

Həddindən artıq istiləşmə də batareyanın sürətlə tükənməsinə və cihazın performansının azalmasına səbəb ola bilər.

Mütəxəssislər həmçinin qeyd edirlər ki, elektrik şəbəkəsinə qoşularkən cihazın çox istifadəsi də batareyanın ömrünə mənfi təsir göstərir. Şarj edərkən filmlərə baxmaq və ya video oyunları oynamaq şarj dövriyyəsini pozur.

Batareyanın ömrünü uzatmaq üçün əsas məsləhətlər isə bunlardır:

Telefonunuzun həddindən artıq isinməsinin qarşısını alın.

Şarj edərkən istifadədən çəkinin.

Batareyanı tam boşalmazdan əvvəl doldurun.