Qayınana saçı qırxılan gəlininin XƏYANƏT GÖRÜNTÜLƏRİNİ YAYDI (VİDEO)

ATV-də yayımlanan "BizimləSən" verilişində əri tərəfindən saçları qırxılan gənc qadının videosu müzakirə olunub.

MAY.AZ-in məlumatına görə, baş verənlərə aydınlıq gətirmək üçün qadının qayınanası Afət xanım Rusiya Federasiyasından telefon bağlantısı ilə efirə qatılıb.

Qayınana gəlininin onun oğluna evli olduqları müddətdə xəyanət etdiyini deyib:

"Gəlin qohumumdur. 3 ay bundan əvvəl, sentyabrın 13-də Rusiyaya gəlmişik, 15-də isə oğlum onu başqa adamla danışdığını tutub. Gecə durub görüb ki, oğlanla yazışır. Qızdan soruşana isə həmin oğlanın xalası oğlu olduğunu deyib. Sonra nə qədər şəkillərini, videolarını gördüm. Yoldaşı ilə yaşaya-yaşaya başqa ilə gəzirmiş. Biz bilmirdik. Zapislərə qulaq asanda bizi təhqir etdiyini, məni, yoldaşını lağa qoyduğunu eşitdik. Oğlum əsəbiləşib qızın saçlarını qırxdı. Anasını 4-5 dəfə çağırmışdım, gəlmirdi. Bütün şəkilləri, videoları onlara yolladım. Anası deyirdi ki, öldür qızı. Saçı qırxılandan 1 həftə sonra anası gəlib apardı. Görüntüləri sosial şəbəkələrə mən verməmişəm. Görünütləri biz yaymamışıq".

Qeyd edək ki, hazırda Mingəçevir Şəhər Polis Şöbəsində məsələ ilə bağlı araşdırma aparılır.